Tuivai Presbytery Inkhawmpui Vawi 38-na
Tuivai Presbytery, 2019 Inkhawmpui Vawi 38-na chu Ni 10th-13th October, 2019 chhung khan Phullen Kohhranah hman a ni a, Palai 418 (Phullen Vengthar Kohhran hi riaklut palaia chhiar tel loh in) awmin Inkhawmpui hlimawm tak hman a ni.
Tuivai Presbytery, 2019 Inkhawmpui Phullen Kohhrana hmanah hian Upa Zahnuna, Phullen Kohhran upa chu Moderator a ni a. A chanvo tha taka a hlen theih avangin Kohhran mipuiten lawmawm an ti hle. Tin, Rev. R. Lalhmingthanga, Moderator, Mizoram Synod chuan Tuivai Presbytery hi min rawn hmanpui a, a chungah pawh lawmthu kan sawi tak meuh a ni.
Phullen Kohhran lam atangin Presbytery Inkhawmpui pual hian Sub-Committee hengah te hian din a ni.
1. RECEPTION COMMITTEE : Upa Vanlalnunga, Chairman. T. Upa. B. Lalhriatpuia, Secretary an ni bakah hian KTP Committee zawngte Reception committee atan ruat an ni. Reception Committee hian Committee-te :- Media, Usher leh Counter hna zawng zawng a kengkawh a ni. Tin, Batch siam leh File siam hna zawng zawng an thawk bawk.
(i) USHER : T. Upa. B. Lalhriatpuia, Leader leh Pu Laltlanhlua, Asst. Leader-te kaihhruaina hnuaiah mi 32 ten Usher hna zahpuiawm loh takin an thawk.
(ii) MEDIA : Media hi Cell angin kalpui a ni a, Inkhawmpui Minute bu siam, Bulletin, Banner, Video Covering leh Still photo Covering hna te an thawk bik a ni.
2. LIGHT & SOUND : Phullen Kohhran Light & Sound Committee ten Inkhawmpui chhung zawng hian Light leh Sound System buaipui ngai awm zawng zawngah mawh an phur bik a ni. Inkhawmpui chhung zawnga Light & Sound lamah harsatna lian awm miah lo in hna an thawk thei a ni.
3. REFRESHMENT : Inkhawmpui rorel palaite chawhlui buatsaihsak an ni a, ei leh in buaipui tur hian Phullen Kohhran Rrefreshment Committee-te kutah dah a ni. Tin, Inkhawmpui chhung zawng hian Inkhawmpui hmang tute inkhawm bana thingpui in tur engtik lai pawhin Refreshment Committee hian hniang hnar takin an chhawp thei reng a ni.
4. DECORATION : Phullen Kohhran Decoration Committee-te chuan Inkhawmpui chhung zawng hian Biak In leh a vel cheimawi/Pangpar khawi leh Plant buatsaih hna an thawk a. Biak In leh a vel mawi takin an chei renga, Decoration Committee memberte inpekna a ropui hle.
5. SECURTY & TRAFFIC : Phullen Kohhran Pavalai Pawl te chuan Inkhawmpui chhung zawng hian Security hna leh lirthei lut leh chhuak remfel hna hautak tak mai an thawk a, an inpekna ropui tak avangin fak an phu.
6. SANITATION : Phullen Kohhran Ramthar Committee-te chu Inkhawmpui chhung zawnga Sanitation hna thawk tura ruat an nih angin tlin takin hna an thawk a, zingkar atanga tlai lam thleng in Biak In leh a velah bawlhhlawh hmuh tur awmlo khawpin an duty an tihlawhtling thei a ni.
7. MEDICAL DUTY : Inkhawmpui chhung zawng hian taksa lama harsatna neite tana pan theih rengin Medical Officer, Phullen PHC leh a staff ten chhum lo chat lo in duty an indah renga. An chungah Kohhran chuan lawmthu a sawi tak meuh a ni.
A chunga kan tarlan bakah hian Phullen Kohhran mipuite inpekna nasa tak a langa, Inkhawmpui hlimawm tak kan hmang a tih loh theih loh a ni. Biak In enkawltu Pu Lalengliana, Biak In leh a vel vawn danah fak a phu takzet bawk a ni. Tin, Phullen Vengthar Kohhran lama tanga tawiawmna tha tak kan hmuhin lawmawm kan ti takzet a ni.
Tuivai Prebytery, 2019 Inkhawmpui kan hman chhunga Kristian Thalai Pawl, Phullen Branch ten kan hmaa tih tur awm, a bikin Reception, Usher leh Media hna thawh kawngah tha taka kan hlen theih avangin lawmawm kan ti hle.
A bul atanga a tawp thlenga Inkhawmpui hlimawm leh hlawk thlak tak kan neih theih nana Phullen Kohhran hruaitu Pathian chungah lawmthu kan sawi tak meuh a ni.
(Presbytery chhunga thlalak hrang hrang, a tam zawk chu THLALAK bawm chhungah hian dah a ni.)
 |
| Thanglailung Kohhran Zaipawl |
 |
| Phullen Vengthar Kohhran Zaipawl |
 |
| Khawmpui puipa te leh Usher-te |
 |
| Phullen Pastor Bial Zaipawl |
 |
| Phuaibuang Pastor Bial Zaipawl |
 |
| Suangpuilawn Kohhran Zaipawl |
 |
| Suangpuilawn Pastor Bial Zaipawl |
 |
| Phullen Vengthar Pastor Bial Zaipawl |
 |
| Phuaibuang Kohhran Zaipawl |
 |
| Phullen Pastor Bial Zaipawl leh Rev. R. Lalhmingthanga, Synod Moderator |
 |
| Phullen Kohhran Zaipawl |
 |
| Upa Zahnuna, Moderator, Tuivai Presbytery, 2019 |
 |
| Rev. R. Lalhmingthanga, Moderator, Mizoram Synod |
