Ni 20.12.2021 (Mon) zan hian Kum 2022 Kristian Thalai Pawl, Phullen Branch hruaitu tur thlanna neih a ni a, heng a hnuaia hming tarlante hi Kum 2022 Kristian Thalai Pawl, Phullen Branch hruaitu turte an ni.
Leader : Pu Lalengmawia
Asst. Leader : Tv. Vanlalrema
Secretary : Pu Zoruatmawia
Asst. Secy. : Pu PK Lalrotluanga
Treasurer : Tv. David Lalrinchhana
Fin. Secy. : Pu B Laltleipuia
An rawngbawlna Lalpan malsawm rawhse..
Ni. 3.4.2021(Inrinni) zan hian Phullen Kohhran chuan kan member Synod Mission Board hnuaia Missionary chhuaktur NI. Beiseinasangzuali leh NI. Elizabeth Lalruatfeli te thlahna hun kan hmang a, he hunah hian Kohhran pawl hrang hrang atanga thlahna thilpek hlanna neih niin, an rawngbawl zelna tura duhsakna leh fuihna thuchhah te nen hun hman a ni.
An rawngbawl zelna turah duhsakna kan hlan tak meuh a, nuam leh awlsama rawngbawl tur nilo in, hun harsa leh ralti ah pawh chhel taka awm turin kan thlahliam a ni.
Kum 2020 Hrilen hnu a KTP Phullen Branch Inkhawm hmasaber chu neih a ni.
Hruaitu : Tv. H. Lalrinmawia, Treasurer
Tantu : Tv. Vanrammawia, CM
Solo : NI. R. Lalruatzeli
C.K.T.P Rorel Inkhawm Report : NI. Lalramzuali, Bial aiawh
Inkhawm zat : 42
Thawhlawm : 520
Nang thlahna thu sawi leh ziak tur hian kei mi bawrhsawm hi ka insit a,ka theihna leh thiamna lah hian inchung pelh chu sawi loh kâwng pawh a thleng hek lo.Mahse ka sawi a,ka ziak loh chuan ka thisen zam leh lungphute hian min nawrin a inthum rawn tluk tluk tak si ah chuan Vahai rual awm khawm zinga vate hram pawh tluk dawn lo mah ila, vau a Tumbu khai leng i khwrh ang hmiang,puarna khawp nimah suh se Nauno chhunrâwl ngen awih tlei nan tal tiin kan thlasik mauchang puahchhuah ve phawng phawng tal a niang chu.
Kei Eden bawhchhiatna sual avanga Diabola thisena thlahchhawn țhanhnan ka nihna lak ata zalen ka nih ka inhriat ațanga țhatlai chen nana a aia thlanawm awmlohna KȚP huang ka dai luh ațanga vawiin ni thleng hian Phullen Branch tan hian Pa nih ilo van tlingzo teh lul em ! Branch pum huap meuh pawha ak zathnih hnuai lam nih pawh inhre lêklo a kutchi lo hawi hu hu rual keini ang duang tan pawha kan kam liam min dawnsawn sak a, bengkhawn peih mi, thu kal lam leh haw lam pawh hre hranglo khawpa mi bengtlalo keini ang i ke pen ruala min pen pui a,zawlkhata en a, min chelh tlat țhinte kha nghilh ni reng a awm tawh lovang. Branch khat committee ve meuh pawh kil khat ațanga țhiante hmui chung leh hnuai țhenhran phawk tir a thum huk țhin pawh min dawm thiam ziate dâwn kirin kawng dik ațang kawng țha leh zual min zawh puitu i lo ni .
Keini ang mahni meuh pawh insit tura mi tlawktlâwte thil tih leh sawi awmchhun faka, vawnloh chibai mai duh tawklo a anka nem biahthu hmanga fakna i chhakchhuah te minti chaktu leh phurna min petu a lo ni.Chung biahthu anka nemte chuan mitthla leh benga bu an khuarna hian kianin tik a nei tawh ngai lovang le.
Awle, a tawp nan ti hian duhsakna biahnem anka ka hlan ve nang che. Lalpa tana i țhat lai hun KȚP kal tlanga i rawngbawlna chuan mual lo liam dawn mahse Lusei lal ropuite zawh zaw zo iang mai lovin Lalpa leh a Kohhran tana i bul țanna tur leh i inchher hriamna lo ni zawk se, Van pasalțhate ianga Krista tana Thangchhuah diar khim ngei turin duhsakna ka hlan mawlh mawlh a che.
David Lalrinchhana
Group Hming
Pu Hlua Group
Pu Maruata Group
Group hming hi hruaitu hlui chhuaktate hminga vuah a ni.
Pu Hlua Group hruaitu turte:-
Leader. : Pu Johny Lalrinfela
Asst. Leader : Pu C Lalremliana
Secretary. : NI. Melody Lalenkawli
Asst. Secy. : Tv. Lalhruaitluanga Pautu
Treasurer. : NI. Esther Vanlalmuanpuii
Fin. Secy. : Tv. Zorinmawia
Pu Maruata Group hruaitu turte :-
Leader. : Tv. PB Lalhriatpuia
Asst. Leader. : Pu H Lallawmkima
Secretary. : Tv. R. Lallawmawma
Asst. Secy. : Tv. C Lalmuanzova
Treasurer. : NI. PB Lalhmingsangi
Fin. Secy. : NI. Salom Zomuanpuii
I rawngbawlna Lalpan malsawm rawhse..
Ni 7.1.2021(Thu) zan hian KTP Phullen Branch te chuan Kum 2021 KTP member thar lawm leh Hruaitu hlui thlah Programme hman a ni. Hruaitu hlui thlah hi Pu Lalruatsanga Pautu a ni.
Pu Lalruatsanga Pautu hi kum 2019 ah Branch Asst. Leader ah thlan niin a over thleng hian Asst. Leader nihna hi a chelh a ni. Pu Lalruatsanga Pautu hian a phak ang tawka thahnem ngai leh taima taka Branch KTP tan thawk in a kum lamin a lo over san ve tak avangin Kum 2021 hian Branch KTP Member atangin a lo chawlve ta ni. Rinawm taka KTP tan tha a lo thawh tawhna te kan ngaihluin kan chhuang em em a, khawtlang leh Kohhrana rawng a bawl leh zelna turah duhsakna kan hlan e.
 |
| 2021 KTP Comt. member leh Pu Lalruatsanga Pautu leh a chhungkua |
 |
| 2021 KTP OB leh Pu Lalruatsanga Pautu hruaitu chhuak ta. |
